Amerikanın idarə olunan raket esminesi USS Sullivans Larnaka limanına daxil olub
Larnaka limanına daxil olan Amerika gəmisi “Arleigh Burke” sinfinə aid esminesdir və idarə olunan raket silahları ilə təchiz olunub.
Amerikanın "USS The Sullivans" esminesi (DDG-68) Larnaka dəniz limanında yanaşaraq dayanıb. Bu barədə ABŞ-ın Nikosiyadakı səfiri Culi Fişer X sosial şəbəkəsində məlumat verib.
Amerika diplomatik missiyasının rəhbəri xatırladıb ki, esmines 1942-ci ildə Solomon adaları yaxınlığında Qvadalkanal uğrunda dəniz döyüşlərində həlak olmuş beş Sallivan qardaşının şərəfinə adlandırılıb.
Yunanıstanın “Kathimerini” qəzeti yazıb ki, Larnaka limanına daxil olan Amerika gəmisi “Arleigh Burke” sinifli esminesdir və idarə olunan raketlərlə təchiz olunub. Hesabatda deyilir ki, USS The Sullivans-ın Kiprə səfəri dəniz təhlükəsizliyini qorumaq və regionda sabitliyi təşviq etmək üçündür.
Oxuməni.az
