Tramp: Ukrayna pullarımızın hara getdiyini izah etməlidir və ya geri qaytarmalıdır

ABŞ prezidenti Donald Tramp Ukraynadan tələb edib ki, Amerika tərəfinin ayırdığı milyardlarla dolların hara xərcləndiyini izah etsin, ya da bu vəsaitləri qaytarsın.
Oxuməni.az bu barədə xarici KİV-ə istinadən xəbər verir.
"Ukrayna izahat verməli və pulumuzun hara getdiyini öyrənməli və ya geri verməlidir,"- Tramp deyib.
Onun sözlərinə görə, ABŞ Ukraynaya 350 milyard dollar ayırıb, lakin prezident Vladimir Zelenski bu pulun yarısının harada olduğunu bilmir.
Tramp Ukrayna rəhbərliyinin hərəkətlərini də tənqid edərək bildirib ki, münaqişə üç il əvvəl bitə bilərdi.
"Bu gün eşitdim ki, "ah, bizi danışıqlara dəvət etmədilər". 3 ildir bu işin içindəsən. Bunu 3 il əvvəl bitirməliydin, heç başlamamalıydın. Razılaşma edə bilərdin", - Tramp deyib.
O, belə bir razılaşmanın şəhərlərin toxunulmazlığını və insanların sağ qalacağını, ölkənin isə demək olar ki, bütün ərazilərini saxlayacağını vurğulayıb. Lakin Bayden administrasiyası belə bir razılaşmanın bağlanmasına icazə vermədi.
"İndi çoxlu ukraynalı ölür və şəhərlər dağıdılır", - ABŞ prezidenti əlavə edib.
Tramp Ukraynadakı dağıntılarla bağlı vəziyyəti də şərh edib və qeyd edib ki, Rusiya istəsə, daha da böyük zərər verə bilər.
"Dediyim odur ki, onlar (ruslar) Kiyevi bombalamadılar, çünki düşünürəm ki, oraya çoxlu raket buraxmaq istəmirlər. Onlar bunu 20% yerinə yetirdilər, amma 100% yox. Onlar bunu 100% etmək istəsəydilər, yəqin ki, çox tez baş verərdi", - Tramp deyib.
Oxuməni.az