Hərbi ekspert: Ermənilərin istənilən təxribatına hazır olmalıyıq-Atəşkəsi pozub içkili olduqlarını bəhanə gətirəcəklər

Hərbi ekspert: Ermənilərin istənilən təxribatına hazır olmalıyıq-Atəşkəsi pozub içkili olduqlarını bəhanə gətirəcəklər

22 Sentyabr 2022 13:37
Bəyəndim (0) Bəyənmədim (0)

Ermənilər sərhəddə növbəti dəfə təxribat törədiblər. Belə ki, ötən gecə üç erməni silahlısı postlarımızdan birinə hücum edib. Azərbaycan Dövlət Sərhəd Xidmətinin bölmələrinin cavab atəşi nəticəsində hücum edənlərdən biri yaralanıb.

Qeyd edək ki, əvvəllər də bu cür hallar baş vermişdi.

Vəziyyətdən çıxış yolu nədir? Sərxoş ermənilərin təxribatlarını birdəfəlik önləmək mümkündürmü?

Hərbi ekspert Elxan Şıxəliyev mövzuya münasibət bildirib.

Oxuməni.az xəbər verir ki, o, Yenisabah.az-a açıqlamasında deyib ki, təmas xəttində təxribatlar iki cür ola bilər:

“Birincisi planlı şəkildə, ikincisi disiplinsizlikdən. Ermənistan tərəfindən törədiləcək hər iki təxribat ehtimalına qarşı ayıq-sayıq olmalıyıq.

Düşmənin heç bir təxribatı cavabsız qalmır. Atəş açırlarsa, hərbçimizi şəhid edirlərsə, qarşılığın misli ilə alırlar. Müharibədən sonra düşmən ordusunun nə vəziyyətdə olduğunu bilirik. Siyasi proseslərin təsiri altında, sistemləşdirilməmiş orduya sahibdirlər. Düşmən ordusu ilə Azərbaycan ordusu müqayisə olunmazdır. Ermənistan atəşkəsə riayət edəcək halda deyil. Hər zaman təxribat addımlarına qarşı ehtiyatımızı saxlamalıyıq.

Təxribatların sonunun nə ilə nəticələndiyini bilirlər. 44 günlük Vətən müharibəsini, 3 avqust “Qisas” əməliyyatını, 12-14 sentyabrda Laçında erməni təxribatının nə ilə nəticələndiyini görüblər. Döyüş hazırlığına malik deyillər. Düşmənin belə təxribatlarının bizim üçün heç bir təhlükəsi yoxdur. Erməniləri çox yaxşı tanıyıram. Əməllərindən geri çəkilməyəcəyini, təxribatlara hər zaman əl atacaqlarını bilirəm. Atəşkəsi pozub hər zaman içkili olduqlarını qeyd edəcəklər.

Sülh sazişi və atəşkəsin təmin olunacağına dair təminat yoxdursa, hər zaman tərxibatlara hazır olmalıyıq. Xüsusən də ABŞ dəstəyi gördükdən sonra daha da həvəsləndilər. Təxribatlar, atəşkəsin pozulması arzuolunmaz haldır, lakin hər zaman belə hallara qarşı hazırlıqlı olmalıyıq”.