Ermənistanla bu məsələ müzakirə edilməyəcək: Mövqeyimiz budur - Açıqlama

Ermənistanla bu məsələ müzakirə edilməyəcək: Mövqeyimiz budur - Açıqlama

5 Oktyabr 2022 14:30
Bəyəndim (0) Bəyənmədim (0)

Erməni təxribatları həmişə olub, bundan sonra da olacaq. Ermənistan daxilində olan müəyyən qüvvələrin istəyi sülh prosesini pozmaqdan ibarətdir. Eyni zamanda Ermənistan rəhbərliyi də ziddiyyətli bəyanatlar verir. Amma ümumilikdə proses gedir.

Oxuməni.az xəbər verir ki, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Teleqraf.com-a açıqlamasında deyib.

Onun fikrincə, artıq Ermənistan tərəfi dərk etməyə çalışır ki, sülhə alternativ yoxdur: “Sadəcə erməni tərəfi Qarabağ məsələsini yenə də ortaya atmaq istəyir. Amma prosesin hansı formada inkişaf edəcəyi önəmlidir. Burada Azərbaycanın mövqeləri tam aydındır. Çünki Qarabağ bizim daxili məsələmizidir. Bir sıra beynəlxalq vasitəçilər də bu mövqeyi bölüşürlər. Ona görə də, biz erməni əhalisinə təbii ki, ölkə Konstitusiyası çərçivəsində müəyyən hüquqlar verməyə hazır olduğumuzu bəyan etmişik”.

Fərid Şəfiyev hesab edir ki, Ermənistanla sülh prosesi çərçivəsində bu məsələ müzakirə edilməyəcək: “Azərbaycanın qəti mövqeyi budur. Bütün çətinliklərə baxmayaraq sülh prosesinə davam ediləcək. Beynəlxalq qüvvələr də Ermənistandan sülh prosesini davam etdirməyi təkid edir”.