ABŞ-da bir iranlı qiyabi olaraq Trampa sui-qəsd hazırlamaqda ittiham edilib

ABŞ Ədliyyə Nazirliyi 51 yaşlı Fərhad Şakerinin prezidentliyə namizədə sui-qəsd planı hazırlamaq tapşırığı aldığını bildirərək ittiham aktını açıqlayıb.Bu barədə “BBC” xəbər verir.

ABŞ-ın baş prokuroru Merrik Qarland, "Ədliyyə Nazirliyi İranın seçilmiş prezident Donald Tramp da daxil olmaqla, hədəflərinə sui-qəsd planını həyata keçirmək üçün tərəfdaşlar şəbəkəsinə rəhbərlik etmək vəzifəsi daşıyan İran rejimi rəsmisini ittiham edib,"-bəyanatında deyilir.

ABŞ səlahiyyətlilərinin məlumatına görə, təqsirləndirilən şəxsin İranda olduğu güman edilir.

Manhetten məhkəməsinə təqdim edilən iddiada iddia edilir ki, sentyabr ayında İran İslam İnqilabı Keşikçiləri Korpusunun üzvü Şakeriyə Trampı izləmək və onu öldürmək planı hazırlamaq tapşırığını verib və bu, 7 günlük müddətə verilib.

Ədliyyə Nazirliyinin məlumatına görə, üstü açılan sui-qəsdin 2020-ci ildə o zamankı prezident Trampın əmri ilə ABŞ-ın İraqa endirdiyi zərbə nəticəsində öldürülən iranlı general Qsım Suleymaninin intiqamını almaq üçün SEPAH tərəfindən təşkil edildiyi iddia edilir.

Nazirlik əlavə edib ki, İranı açıq şəkildə tənqid edən amerikalı jurnalisti öldürmək üçün casusluğa cəlb edilən daha iki nəfəri ittiham edib.

Onların Karlayl Rivera (49, Bruklindən) və Conaton Loadholt (36, Staten -Ayland) olduğu müəyyən edilib və artıq Nyu-Yorkda məhkəmə qarşısına çıxıblar.

Prokurorların dediyinə görə, Şakeri iki nəfərə deyib ki, o, hakimiyyətin elan etdiyi vaxt çərçivəsində Trampı öldürmək planı təklif etmək niyyətində deyil, ona görə də onun dayandırılmasına qərar verilib.

İttihama görə, rəsmilər Şakeriyə bildiriblər ki, əgər plan müəyyən edilmiş müddətdə hazırlanmasa, Trampın uduzmasının gözlənildiyinə inandıqları üçün seçkidən sonra onu öldürməyə cəhd etmək daha asan olacaq.

Almaz Həsənli