Moskva və Bakı “Rus Evi”ndə kompromis axtarır

15:29

Bəyəndim (2) Bəyənmədim (0)

Moskva və Bakı Azərbaycandakı “Rus Evi” ilə bağlı kompromis axtarırlar, hamı konstruktiv və işin bərpa olunacağına nikbindir, “Rossotrudniçestvo” rəhbəri Yevgeni Primakov bildirib.
"Biz Azərbaycan tərəfi ilə kompromis axtarmaqda davam edirik. Həm Azərbaycan tərəfi, həm də biz konstruktiv və kifayət qədər nikbinik ki, hələ də kompromis tapacağıq və tammiqyaslı iş bərpa olunacaq", - Primakov "Rossiya Seqodnya" media qrupunun mətbuat mərkəzində deyib.
O əlavə edib ki, Rusiya və Azərbaycan əvvəllər “Rus Evi”nin qeydiyyatı formatını müzakirə ediblər: hüquqi şəxs və ya NPO kimi.
"Bakıdakı “Rus Evi” uzun illər ərzində respublika hökuməti qarşısında bütün zəruri öhdəlikləri, o cümlədən hüquqi öhdəlikləri yerinə yetirərək uğurla fəaliyyət göstərib. Lakin informasiya və mədəniyyət mərkəzlərinin fəaliyyəti haqqında 1997-ci ildə imzalanmış hökumətlərarası sazişdə açıq şəkildə qeyd olunub ki, bu mərkəz Azərbaycanda hüquqi şəxs kimi qeydiyyatdan keçməlidir", - deyə Primakov bildirib.
Almaz Həsənli