Birləşmiş Ərəb Əmirlikləri İranın hücumlarına cavab olaraq İran aktivlərinin dondurulmasını nəzərdən keçirir

Birləşmiş Ərəb Əmirlikləri (BƏƏ) İranın zərbələrinə cavab olaraq ölkənin milyardlarla dollar dəyərində aktivlərini dondura bilər. Oxuməni.az xəbər verir ki, bu barədə “The Wall Street Journal” qəzeti məlumat verib.

BƏƏ ölkədə qeydiyyatdan keçmiş saxta İran şirkətlərinin və İslam İnqilabı Keşikçiləri Korpusuna bağlı hesabların aktivlərinin bloklanmasını müzakirə edir. Bundan əlavə, ölkə rəsmi olmayan şəkildə İrana pul axını baş verən valyuta mübadiləsi məntəqələrində genişmiqyaslı yoxlamalara başlaya bilər (İran şirkətləri sanksiyalardan yayınmaq üçün BƏƏ-dən istifadə edir).

Əgər ölkə bu addımı atarsa, bu, Tehran üçün xarici valyutaya və qlobal ticarət şəbəkələrinə çıxışı ciddi şəkildə məhdudlaşdıracaq, çünki onun daxili iqtisadiyyatı artıq inflyasiya səbəbindən əziyyət çəkir və indi hərbi münaqişə ilə əhatə olunub, qəzet vurğulayır.

28 fevral tarixindən etibarən Birləşmiş Ərəb Əmirlikləri İrandan kütləvi raket və dron hücumlarına məruz qalır. Bu, ABŞ və İsrailin İran ərazisinə birgə hərbi zərbələrinə cavabdır.

5 martda İran Abu-Dabidə yerləşən beynəlxalq hava limanına yaxın amerikalı hərbçilərin qərargahına zərbə endirib.

Almaz Həsənli