ABŞ İranda quru əməliyyatına hazırlaşır

"The Washington Post" qəzeti mənbələrə istinadən xəbər verir ki, ABŞ İranda quru əməliyyatına hazırlaşa bilər. Qəzet qeyd edir ki, ehtimal olunan quru əməliyyatı nəzəriyyəsi bu həftə ABŞ ordusunun Luizianadakı elit 82-ci Hava-Desant Diviziyasının təlimlərini gözlənilmədən dayandırması ilə dəstəklənir.

Şimali Karolina ştatının Fort Braqq şəhərində yerləşən 82-ci Hava-Desant Diviziyasına 4000-5000 nəfərlik döyüş bölməsi daxildir. Nəşr yazır ki, xüsusi təyinatlı qüvvələr əmr aldıqdan sonra 18 saat ərzində dünyanın istənilən yerində tapşırıqları yerinə yetirmək üçün təlim keçirlər. Bu arada, ABŞ-İsrail koalisiyası İİKK hədəflərinə güclü zərbələr endirir. Tehran, İsfahan, Kermanşah və Varamində partlayış səsləri eşidilib və Kiş adasındakı hava limanına hava hücumu edilib.

Əvvəllər ABŞ prezidenti Donald Trampın respublikaçı köməkçiləri və rəsmiləri ilə şəxsi söhbətlərində İrana quru qoşunlarının yerləşdirilməsində "ciddi maraq" ifadə etdiyi bildirilirdi.

Amerika liderinin şərhləri İrana genişmiqyaslı işğala deyil, "istifadə ediləcək kiçik bir Amerika qoşun kontingenti ideyasına" yönəlmişdi.

Əziz MUSTAFA