Tramp İranın "Tomahawk" raketlərinə necə sahib olmasını izah edib

ABŞ Prezidenti Donald Tramp mətbuat konfransı zamanı bildirib ki, İran Amerika istehsalı olan "Tomahawk" raketlərini alıb və qızlar üçün ibtidai məktəbə zərbə endirib. Oxuməni.az xəbər verir ki, onun sözlərini TWZ yayımlayıb.
Onun sözlərinə görə, qanadlı raketləri İrana adı açıqlanmayan şəxslər satıb.
Qızlar məktəbinə edilən hücumla bağlı suala cavab olaraq Tramp bildirib ki, bu, həqiqətən də Amerika istehsalı olan raketlə vurula bilərdi, lakin bunu İran tərəfi də edə bilərdi.
ABŞ Prezidenti qeyd edib: ""Tomahawk", ən güclü silahlardan biridir, bilirsiniz, satılır və digər ölkələr tərəfindən istifadə olunur."
TWZ nəşrinin müəllifləri iddia edirlər ki, İranın "Tomahawk" raketləri yoxdur.
Martın 10-da "The New York Times" (NYT) qəzeti yazmışdı ki, İranın Minab şəhərindəki qızlar məktəbinə düşən raket qalıqlarında Amerika sursatları üçün xarakterik olan nişanlar var.
Nəşrin məlumatına görə, göstərilən şəkillərdə Amerika istehsalı olan sursatlar üçün xarakterik olan "seriya nömrələri" və digər detallar görünür. Ehtimal ki, zərbə 2014-cü ildə və ya daha sonra istehsal edilmiş "Tomahawk" qanadlı raketi ilə endirilib.
Almaz Həsənli