«WhatsApp»-dan yeni funksiya: E-poçtla doğrulama müddəti

22 Noyabr 2023 06:42

Bəyəndim (0) Bəyənmədim (0)

«WhatsApp» 6 rəqəmli koda SMS vasitəsilə daxil ola bilməyən istifadəçilər üçün e-poçtun yoxlanılması funksiyasını təqdim edib. «WhatsApp» istifadəçilərə hesablarını e-poçt ünvanları ilə əlaqələndirməyə imkan verən yeni funksiyanı elan etdi. Bildirildi ki, bu funksiya platforma istifadəçiləri üçün əlavə giriş üsulu kimi təqdim edilib.

Funksiya sayəsində istifadəçilər yeni telefonlarına daxil olarkən təkcə telefon nömrələri ilə deyil, həm də e-poçt ünvanları ilə təsdiq edə biləcəklər. İstifadəçilər istəsələr, bu əlavə funksiyadan istifadə etməməyi seçə bilərlər. Artıq bu funksiyanı sınamaq istəyən istifadəçilər 6 rəqəmli kodu SMS vasitəsilə ala bilməyənlər üçün alternativ üsul olan e-poçt seçimini «WhatsApp Parametrləri» bölməsindən aktivləşdirə bilərlər.

Xatırladaq ki, bu funksiya hazırda yalnız iOS istifadəçiləri üçün əlçatandır. Tezliklə Android cihazlarında istifadəyə veriləcəyi gözlənilir.

Oxuməni.az