Teslanın yeni robotu yumurta qaynada bilir

15 Dekabr 2023 10:10

Bəyəndim (0) Bəyənmədim (0)

Teslanın yumurta qaynada bilən yeni insan robotu «Optimus-gen 2»-nin videosu təqdim edilib. Robot barmaqları hərəkət edən, indiyə qədər hazırlanmış ən real insan modelidir. Tesla tərəfindən yaradılmış «Optimus-gen 2» adlı insanabənzər robot yumurtanı mükəmməl qaynadaraq, əmrlə rəqs edə bilir. Planetin ən qabaqcıl robot texnologiyalarından biridir. Teslanın yeni robotunun 16 ay əvvəl ilk modeli ictimaiyyətə təqdim edildikdən sonra bəzi böyük dəyişikliklərə məruz qalıb. Elon Musk və komandası istənilən tapşırığı tez yerinə yetirmək üçün robota mümkün qədər çox yüksək texnologiyalı sensorlar yerləşdirib. «Optimus-gen 2» indi özündən əvvəlki bütün robotlardan 30 dəfə daha sürətli işləyə bilir. Yayımlanan tanıtım videosu «Optimus-gen 2» robotunun ilk versiyasından bəri inkişafını göstərir. Robot yeni əlləri ilə yumurta bişirmək və rəqs etmək üçün bütün üzvlərini hərəkət etdirmək kimi incə tapşırıqları yerinə yetirə bilir. Robotun baş və şəhadət barmaqlarında toxunma duyğusunun müvəffəqiyyəti bütün rəqiblərini geridə qoyub. Videoda həmçinin robotun idman zalında çömbəlmə etməsi və insana bənzər tərzdə yeriməsi də əks olunub.