Buça haqqında həqiqətləri deməyə görə 8,5 il müddətinə azadlıqdan məhrum edildi
Moskva məhkəməsi Pussy Riot qrupunun üzvü və Mediazonanın keçmiş naşiri Pyotr Verzilovu Rusiya ordusu haqqında yalan xəbərlər yaymaqda ittiham edərək qiyabi olaraq 8,5 il müddətinə azadlıqdan məhrum edib.
İş, X sosial şəbəkəsində və Instagram-da Buçadakı qətllərlə bağlı dörd yazıya görə açılıb. İstintaqın fikrincə, nəşrlərdə “sosial gərginliyin əsassız artmasına və Rusiyanın maraqlarına zərər verə biləcək” mesaj var. Hökmə əsasən, Verzilov öz postları ilə “xüsusi hərbi əməliyyatın məqsəd və vəzifələri haqqında vətəndaşlar arasında yanlış rəy formalaşdırmaq üçün real təhlükə yaradıb”.
Prokurorluq Verzilov üçün 9 il həbs istəyib, vəkil müvəkkilinə bəraət verilməsində israr edib. 2023-cü ilin oktyabrında videobloqer Yuri Duduyaya Ukrayna Silahlı Qüvvələrinin sıralarında döyüşdüyünü söylədikdən sonra Verzilov Mediazonanın naşiri vəzifəsindən istefa verib.
Oxuməni.az
.jpg-2.jpg)
