Tramp iki il ərzində 33 dəfə Ukraynadakı münaqişəni dayandıracağına söz verib
Hazırda ABŞ-ın seçilmiş prezidenti olan Respublikaçı Donald Tramp 2023-cü ilin yanvarından bəri ən azı 33 dəfə açıq şəkildə bəyan edib ki, vəzifəyə gəldikdən sonra elə ilk gündə Ukraynada münaqişənin sona çatmasına nail olacaq. Bu hesablamaları Amerikanın Axios portalı dərc edib.
Tramp vəzifəyə gəldikdən dərhal sonra görəcəyi işlərlə bağlı çoxlu vədlər verib. Çox vaxt o, prezident kimi fəaliyyətə başladığı ilk gündə Ukraynada münaqişənin dayandırılmasını təmin edəcəyini bildirirdi. Respublikaçı bunu 2023-cü il yanvarın 1-dən 2024-cü il dekabrın 6-dək müsahibələrdə və ictimai çıxışlarda 33 dəfə edib.
Qeyd etmə tezliyinə görə ikinci yerdə (32 dəfə) Trampın ABŞ hökumətinin ən yüksək postunda ilk günündə sərhədi qeyri-qanuni miqrantlar üçün bağlamaq vədidir. Üçüncüsü (26 dəfə) Respublikaçının peyvəndin məcburi olduğu və ABŞ-da irqçiliyin kök saldığını öyrətdiyi məktəblər üçün maliyyəni məhdudlaşdırmağa hazır olması barədə bəyanatlarıdır. Tramp 25 dəfə ölkədən qeyri-qanuni miqrantların deportasiyası üçün “ən böyük əməliyyata başlayacağına” söz verib, 22 dəfə isə elektrik avtomobillərə məcburi keçidi dayandıracağını bəyan edib.
Oxuməni.az
