Kanada Ukraynaya 305,7 milyon dollarlıq hərbi yardım göstərəcək

07:45

Bəyəndim (1) Bəyənmədim (0)

Kanada Kiyevə 440 milyon Kanada dolları (305,7 milyon dollar) dəyərində hərbi yardım göstərmək niyyətindədir. Bu barədə ölkənin müdafiə naziri Uilyam Bleyer Almaniyanın Ramşteyn aviabazasında Ukraynaya silah tədarükünün koordinasiyası üzrə təmas qrupunun iclasının yekunlarına dair bəyanatında deyilir.

Bu vəsaitin 200 milyon Kanada dolları (təxminən 139 milyon dollar) Ukrayna ordusu üçün mərmi almaq üçün Çexiya təşəbbüsünə gedəcək və 50 milyon Kanada dolları (34,7 milyon dollar) Kanada silah istehsalçıları tərəfindən alınacaq.

Yerdə qalan vəsait isə digər məsələlərlə yanaşı, onlar üçün PUA və avadanlıqların alınmasına, həmçinin qış geyimlərinin alınmasına sərf olunacaq.

Ümumilikdə, 2022-ci ilin fevral ayından Kanada Kiyevə 4,5 milyard Kanada dollarından (3,13 milyard dollar) çox hərbi yardım göstərib.

Oxuməni.az