Türkiyə ordusu tam döyüş hazırlığı vəziyyətinə gətirilib

9 Yanvar 12:26

Bəyəndim (1) Bəyənmədim (0)

Türkiyə silahlı qüvvələri Suriyada mümkün hərbi əməliyyata hazırlıq məqsədilə yüksək döyüş hazırlığı vəziyyətinə gətirilib.

Oxuməni.az xəbər verir ki, “Türkiyə” hökumətyönlü nəşrinin Müdafiə Nazirliyindəki mənbələrə istinadən verdiyi məlumata görə, Ankara Kürdüstan Fəhlə Partiyasının (PKK) yaraqlılarının həm Suriya, həm də İraqda məhv edilməsi üçün müxtəlif ssenariləri nəzərdən keçirir.

Qəzet Suriya administrasiyasından terror təşkilatlarına qarşı mübarizəni gücləndirməyi tələb edərək Ankaranın qətiyyətli tədbirlər görmək niyyətində olduğunu vurğulayır.

Türkiyənin digər nəşri “Hürriyet” yazır ki, Qərb Ankaranın qəbuledilməz hesab etdiyi yeni tələblər irəli sürərsə, əməliyyat başlaya bilər. Suriya ilə sərhəddə yerləşən qoşunlar yüksək hazırlıq vəziyyətinə gətirilib və ən qısa zamanda əməliyyatlara başlaya bilirlər.

Almaz Həsənli