Kaliforniyada meşə yanğınları tüğyan edir

Kaliforniyada meşə yanğınları nəticəsində ölənlərin sayı 5-ə çatıb, səlahiyyətlilər bildiriblər. Bu arada meşə yanğınları Hollivud təpələrinə çatıb və burada yerli sakinlərin təxliyəsi başlayıb. Bu barədə “Daily Mail” məlumat yayıb.

Yanğın Malibu və Santa-Monikoin arasındakı sahil zonasına təsir edən Paliseyds bölgəsində tüğyan edir. Yanğın sahəsi altı min hektardır. Bu, Los Angeles okruqunun tarixində ən dağıdıcısıdır.

“Bu gün biz iki ölüm xəbərini vermişdik. Təəssüf ki, ölənlərin sayı 5-ə çatıb”, - Los-Anceles dairəsinin şerifi Robert Luna bildirib.

Onun sözlərinə görə, yanğınlar hələ lokallaşdırılmayıb və qurbanların sayı arta bilər. Güclü külək və quru hava vəziyyəti daha da ağırlaşdırır.

Səlahiyyətlilər Los-Anceles bölgəsində beş meşə yanğınının davam etdiyini və təxliyə zonasında 150 min insanın yaşadığını bildirir.

Los-Anceles dairəsinin yanğınsöndürmə rəisi Entoni Marronenin sözlərinə görə, yanğın orada ən azı min binanı məhv edib.

Yanğın 1500-dən çox binanı, o cümlədən ABŞ-ın vitse-prezidenti Kamala Harrisin və Hollivudun digər məşhurlarının evlərini məhv edib. Yanvarın 8-i axşam saatlarında Amerika kino sənayesinin bir çox simalarının yaşadığı Hollivud təpələri adlanan ərazidə yanğın başlayıb.

Almaz Həsənli