Jirinovskinin pasportu hərracda 1,1 milyon rubla satılıb

08:20

Bəyəndim (3) Bəyənmədim (0)

Sankt-Peterburqda Rusiya Liberal Demokrat Partiyasının (LDPR) qurucusu Vladimir Jirinovskinin xarici pasportu hərracda 1,1 milyon rubla satılıb. Bu barədə Şimal Hərrac Evi məlumat yayıb.

Məlumata görə, lotun başlanğıc qiyməti 100 min rubl olub. Siyasətçi sənəddən 1992-1997-ci illərdə istifadə edib. Pasportda sərhəd xidməti möhürləri, Jirinovskinin şəxsi vizaları və avtoqrafı var. “İstifadə izlərinə” baxmayaraq, sənəd yaxşı vəziyyətdədir.

Mart ayında LDPR “Jirinovsky” və “Jirinovsky Forever” ticarət nişanlarının qeydiyyatı üçün Rospatentə müraciət edib. Partiya bu brendlərdən alkoqol və tütün məmulatlarının istehsalı, geyim, ayaqqabı və suvenirlər, pərakəndə satış, reklam və elektron ticarət də daxil olmaqla geniş sahələrdə istifadə etmək hüququnu iddia edir.

Əziz Mustafa, Oxuməni.az