Antonia Romeo, vəzifənin 110 illik tarixində Nazirlər Kabineti katibi vəzifəsini tutan ilk qadın olub

Böyük Britaniyanın Baş naziri Keir Starmer Antonia Romeonu Nazirlər Kabineti katibi vəzifəsinə və eyni zamanda dövlət qulluğuna rəhbər təyin edib.

Starmer onu Britaniya xalqına xidmət etməkdə 25 illik təcrübəsi olan görkəmli dövlət qulluqçusu kimi təsvir edib.

"Baş nazir olandan bəri onun peşəkarlığı və nəticə əldə etmək əzmkarlığı məni heyran edib. Ölkə daxilində ailələr maliyyə təzyiqi ilə üzləşməyə davam edir və bu hökumət yaşayış xərclərinin azaldılmasına, dövlət xidmətlərini gücləndirməyə və icmalarımızda qürur hissini bərpa etməyə diqqət yetirir. Bu məqsədlərə çatmaqda hökumətə dəstək ola biləcək bir Nazirlər Kabineti katibimizin olması çox vacibdir", - deyə o bildirib.

Romeo öz növbəsində dövlət qulluğunun əhəmiyyətini qeyd edib və onun işinin hökumətin məqsədlərinə çatmaqda effektivliyi və səmərəliliyi ilə qiymətləndirilməli olduğunu vurğulayıb.

"Baş nazir olandan bəri onun peşəkarlığı və nəticə əldə etmək əzmkarlığı məni heyran edib. Ölkə daxilində ailələr maliyyə təzyiqi ilə üzləşməyə davam edir və bu hökumət yaşayış xərclərinin azaldılmasına, dövlət xidmətlərini gücləndirməyə və icmalarımızda qürur hissini bərpa etməyə yönəlib. Bu məqsədlərə çatmaqda hökumətə dəstək ola biləcək bir Nazirlər Kabineti katibimizin olması vacibdir", - deyə o bildirib.

Romeo öz növbəsində dövlət qulluğunun əhəmiyyətini qeyd edib və onun işinin hökumətin məqsədlərinə çatmaqda effektivliyi və səmərəliliyi ilə qiymətləndirilməli olduğunu vurğulayıb.

"Dövlət qulluğu mənim çox dəyər verdiyim böyük və görkəmli bir qurumdur. Biz hökumətin gündəliyini yerinə yetirməklə və ölkənin üzləşdiyi problemləri həll etməklə effektivliyimizə, səmərəliliyimizə və innovasiyamıza görə qiymətləndirilməliyik", - deyə o bildirib.

Romeo təxminən 10 il ərzində bir neçə əsas departamentdə - Ticarət və Biznes Departamentində, Ədliyyə Nazirliyində və Daxili İşlər Nazirliyində daimi katib vəzifəsində çalışıb. Bu departamentlər işlərinin miqyasına görə Britaniya hökumətində ən mürəkkəb departamentlərdən hesab olunur.

Qeyd etmək lazımdır ki, dövlət qulluğunun rəhbəri vergi, sosial təminat və pensiya sistemlərinə, eləcə də hökumət siyasətinin həyata keçirilməsinə cavabdeh olan qurumlarda çalışan təxminən yarım milyon işçiyə nəzarət edir.

1916-cı ildə yaradılmış Nazirlər Kabineti katibi vəzifəsi Baş nazirin baş siyasət müşaviridir, hökumətin işini əlaqələndirir və Nazirlər Kabinetinin fəaliyyəti üçün nazirlər qarşısında məsuliyyət daşıyır.

Daha əvvəl, ötən ilin noyabr ayına qədər Şahzadə Endryu titulunu daşıyan Endryu Mauntbatten-Vindzor vəzifəsindən sui-istifadə şübhəsi ilə həbs olunmuşdu.

Əziz Mustafa