Polşa rəsmi olaraq piyada əleyhinə minaların qadağan edilməsi haqqında Ottava Konvensiyasından çıxdı

Polşa piyada əleyhinə minaların qadağan edilməsi haqqında Ottava Konvensiyasından çıxdı və fevralın 20-dən etibarən bu konvensiya üzrə öhdəliklərini yerinə yetirməyi dayandırır.
Bu barədə Oxuməni.az TASS-a istinadən xəbər verir.
Bir gün əvvəl Polşanın baş naziri Donald Tusk bildirmişdi ki, "bu saatlarda Polşa piyada əleyhinə minaların istifadəsini, yığılmasını, istehsalını və ötürülməsini qadağan edən Ottava Konvensiyasından çıxır".
Onlar "vəhşi silah" adlandırılır, çünki münaqişə zonalarında mülki əhali arasında qurbanların böyük əksəriyyəti məhz bu minalara düşür.
Xatırladaq ki, ləğv edilmiş sənəd bu sursatların hazırlanmasını, istehsalını, əldə edilməsini və yığılmasını qadağan edirdi. Lakin Polşa hakimiyyəti konvensiyanın möhkəm təhlükəsizlik sisteminin yaradılmasına mane olduğunu qərara aldı. Ottava Konvensiyasından çıxaraq Varşava Baltikyanı ölkələrin başlatdığı döyüşkən estafeti davam etdirdi. Estoniya, Latviya və Litva bunu hələ keçən ilin sonunda etmişdilər.
Çıxış proseduru Senatın (parlamentin yuxarı palatası) və prezidentin təsdiqini tələb edir. BMT-yə və digər iştirakçı ölkələrə rəsmi bildirişdən altı ay sonra Polşa minaları saxlamaq və quraşdırmaq hüququ əldə edəcək.
Almaz Həsənli