Sağçı populist Reform UK partiyası hər il 288.000 insanı Britaniyadan deportasiya etmək niyyətindədir

Sağçı populist Reform UK partiyası seçkilərdə qalib gələrsə, hər il 288.000 insanı deportasiya etmək üçün Britaniyada Amerika İmmiqrasiya və Gömrük Mühafizəsinin (ICE) bir versiyasını yaratmaq niyyətindədir. Bu, The Guardian qəzeti məlumat verib. Mənbənin nəşrə bildirdiyinə görə, partiya sədri Ziya Yusifin hazırladığı çıxışında bu sözləri yer alıb.

"Biz sərhədlərimizi təmin edəcəyik, Avropa İnsan Hüquqları Məhkəməsindən çıxacağıq və burada qanunsuz olanları deportasiya edəcəyik. Britaniya xalqına mesajım sadədir: Sərhədlərimizi təmin edəcəyəm və özünüzü təhlükəsiz hiss etməyinizi təmin edəcəyəm", Yusif 23 fevrala planlaşdırılan çıxışında bəyan edəcək.

Nəşr Britaniya İmmiqrasiya İdarəsinin ekvivalentinin Britaniya Deportasiya Komandanlığı adlandırılacağını aydınlaşdırır. Onun ildə 24.000 miqrantı eyni anda saxlamaq və 288.000 insanı deportasiya etmək gücünə malik olması, gündə beş uçuş təşkil etməsi gözlənilir.

The Guardian qəzetinin məlumatına görə, Yusif həmçinin "islamçı ekstremizmə qarşı sıfır tolerantlıq siyasəti" tətbiq edəcəyinə söz verəcək. "Biz Britaniya mədəniyyətini müdafiə edəcəyik, çünki mədəniyyəti olmayan millət heç bir millət deyil, sadəcə iqtisadi zonadır. Biz Britaniyanın xristian irsini qoruyub saxlayacağıq və kilsələri məscidlərə və ya digər ibadət yerlərinə çevirmək kimi təxribatçı təcrübəyə son qoyacağıq", - deyə çıxışın hissələrində bildirilir.

Reform UK həm hakim Leyborist, həm də müxalifət Mühafizəkar partiyalarını qabaqlayaraq rəy sorğularında liderlik edir. Son sorğular göstərir ki, əgər parlament seçkiləri indi keçirilsəydi, Reform UK lideri Naycel Farajın baş nazir olmaq üçün ən yaxşı şansı olardı.

Əziz MUSTAFA