Saratov və Engels şəhərlərinə ilin ən böyük hücumlar: "İki saatda 60 partlayış" baş verib

5 mart gecəsi Saratov bölgəsindəki Rusiya strateji obyektlərinə raket zərbələri endirilib. Oxuməni.az bu barədə Rusiya mediasına istinadən məlumat verib.
Saratov və Engelsdə altmışdan çox güclü partlayış baş verib, burada strateji aviasiya aerodromu yerləşir. Yerli hakimiyyət orqanları əhalini sakitləşdirməyə çalışarkən, bölgədə yanğınlar davam edir və bəzi rayonlar elektriksiz qalıb.

Dron hücumu saat 24:00 radələrində başlayıb və bir neçə saat davam edib. Şahidlərin sözlərinə görə, şəhərlərin üzərindəki səma, sözün əsl mənasında, partlayışlar və hava hücumundan müdafiə fəaliyyətləri ilə "işıqlandı", lakin pilotsuz təyyarələrin zərbələri qaçılmaz idi. Yerli sakinlər ən azı 60 partlayış qeydə alıblar. Nəticədə Saratovun bir rayonunda böyük yanğın baş verib və bir neçə saat ərzində işıqsız qalıb.

Regional qubernator Roman Busargin artıq bu hücumu "bir ilin ən böyük hücumu" adlandırıb. Rəsmi məlumatlara görə, mülki infrastruktur zədələnib və üç nəfər yaralanıb. Rusiya Müdafiə Nazirliyi 48 pilotsuz təyyarəni vurduğunu iddia etsə də, Ukrayna monitorinq resursları uğurlu zərbələr barədə məlumat verir:

Təcili yardım xidmətləri dağıntıları təmizləməyə və zərbələrin nəticələrini aradan qaldırmağa davam etdiyindən bölgədəki vəziyyət gərgin olaraq qalır.

Xatırladaq ki, 22 fevral gecəsi də naməlum dronların hücumundan sonra Engels və Saratovda partlayışlar baş verib. Görüntülərdə şahidlərin yanğınlar barədə şərhləri görünür.

Əziz MUSTAFA