Qətər Aİ-nin qaz bazarını ələ keçirir

"Qətər milli neft-qaz şirkəti Qatar Energy İtaliyaya mayeləşdirilmiş təbii qazın (LNG) tədarükü üçün İtaliyanın Eni enerji şirkəti ilə uzunmüddətli müqavilə bağlayıb. Bu barədə Qatar Energy-nin bəyanatında deyilir. "Qatar Energy. və Eni arasında Qətərdən İtaliyaya ildə 1 milyon tona qədər LNG tədarükü üçün uzunmüddətli müqavilə imzalanıb", - Qətər şirkətinin bəyanatında deyilir. Müqavilənin şərtlərinə görə, Qətər Enerji, Piombino limanında yerləşən üzən anbar və qazlaşdırma qurğusunu 27 il müddətinə müəyyən edilmiş həcmdə LNG təmin edəcək. Sənəddə qeyd edildiyi kimi, tədarüklər 2026-cı ildə başlayacaq və QatarEnergy və Eni arasında birgə müəssisə tərəfindən həyata keçiriləcək. Sazişin imzalanma mərasimi Dohada baş tutub. Sənədi Qətərin energetika üzrə dövlət naziri və Qətər Enerjisinin rəhbəri Saad bin Şəridə əl-Kaabi və Eni şirkətinin baş direktoru imzalayıblar.

Bundan əvvəl Qatar Energy şirkəti Shell neft-qaz konserni ilə 2026-cı ildən 27 il müddətinə Hollandiyaya ildə 3,5 milyon ton LNG tədarükü üçün iki müqavilə imzalayıb.

Oktyabrın 11-də Qatar Energy Fransanın TotalEnergies enerji şirkəti ilə analoji müqavilələr bağlayıb. Hər üç şirkət "Severnoye" yatağının genişləndirilməsi layihəsində iştirak edir. Eni və Shell hər biri layihədə 6,25%, TotalEnergies isə 3,12% paya sahibdir."

Qətər dünyada təbii qaz ehtiyatlarına görə liderlərdən biri olmaqla yanaşı, ən böyük LNG istehsalçısı və ixracatçısıdır. Bu yaz Qətərin energetika naziri və Qatar Petroleum şirkətinin baş direktoru Saad bin Şərid əl-Kaabi ölkəsinin ildə 77 milyon ton LNG istehsal etdiyini və qaz hasilatını artırmağa qadir olduğunu bildirib.

Əziz Mustafa