Makron nüvə silahlarının Almaniya ilə sərhəddəki aviabazada yerləşdiriləcəyini bildirib

Fransa prezidenti Emmanuel Makron 2035-ci ilə qədər Almaniya ilə sərhəddəki Lüksey-Saint-Sauveur aviabazasında səsdən sürətli nüvə başlıqları ilə silahlanmış Rafale döyüş təyyarələrinin yerləşdirilməsi planlarını açıqlayıb.
Makron bildirib ki, səsdən sürətli nüvə başlıqlarına malik Rafale qırıcıları 2035-ci ildə Almaniya ilə sərhəddəki aviabazada yerləşdiriləcək.

"2035-ci ildə Luxeuil səsdən sürətli nüvə başlıqlarına malik yeni Rafale variantını qəbul edən ilk aviabaza olacaq", - Fransa lideri Luxeuil-Saint-Sauveur aviabazasında qoşunlarla danışarkən deyib.

Bu addım Fransanın silahlı qüvvələrinin uzunmüddətli əməliyyat etibarlılığını təmin etmək məqsədi daşıyan nüvə modernləşdirmə strategiyasının bir hissəsidir. Ölkə 2024-cü ildə nüvə başlığı daşıya bilən təkmilləşdirilmiş ASMPA-R raketini sınaqdan keçirib.

Makron daha əvvəl Avropalı müttəfiqlərini qorumaq üçün Fransanın nüvə imkanlarından istifadə etməyi təklif edərək, mümkün “Avropa nüvə çətiri” ilə bağlı müzakirələrə səbəb olub.

Əziz Mustafa, Oxuməni.az