Von der Leyen deyib ki, Aİ Rusiyaya qarşı sanksiyaları davam etdirəcək

AK prezidenti Von der Leyen bildirib ki, Aİ Rusiyaya qarşı sanksiyaları davam etdirəcək.

Avropa İttifaqı Rusiya Federasiyasına qarşı sanksiyaları davam etdirmək qərarına gəlib. Bunu Avropa Komissiyasının rəhbəri Ursula fon der Lyayen “Bluesky” şəbəkəsində videomüraciətində bildirib.

"Biz Rusiyaya təzyiqlərin davam etdirilməsini müzakirə etdik. Tamamilə aydındır ki, sanksiyalar qüvvədə qalır", - o qeyd edib.

Von der Leyen əlavə edib ki, Aİ-nin məqsədi Ukrayna üzrə “ədalətli və davamlı sülh sazişi”nə nail olmaqdır.

Öz növbəsində, Fransa prezidenti Emmanuel Makron Ukrayna ilə bağlı “istəklilər koalisiyasının” iştirakçılarının görüşündən sonra Rusiyaya qarşı sanksiyaların ləğvi məsələsinə baxılmasını vaxtından əvvəl adlandırıb. Fransa lideri Parisdəki görüşün digər iştirakçılarının da bu mövqe ilə razılaşdığını vurğulayıb. Almaniya kansleri Olaf Şolz və Böyük Britaniyanın baş naziri Keir Starmer eyni fikirdədir.

Bundan bir qədər əvvəl ABŞ dövlət katibi Marko Rubio bildirmişdi ki, Rusiyanın Qara dənizdə zərbələrə moratorium qoyması üçün irəli sürdüyü şərtlər siyahısına Avropa İttifaqının tətbiq etdiyi sanksiyaların ləğvi daxildir. Rubio iddia edir ki, Qərb dövlətləri Moskvaya qarşı tətbiq etdikləri məhdudiyyətlərə yenidən baxmalıdırlar.

O, Vaşinqtonun belə tədbirləri dəyərləndirmək niyyətində olduğunu vurğulayıb. Eyni zamanda, Dövlət Departamentinin rəhbəri əlavə edib ki, Rusiyanın irəli sürdüyü bəzi şərtlər arasında ABŞ-ın deyil, Avropa İttifaqının tətbiq etdiyi sanksiyalar da var.

Bundan əvvəl Zelenski Rusiyaya qarşı sanksiyaların mümkün ləğvini fəlakət adlandırmışdı.

Əziz Mustafa, Oxuməni.az