75 yaşlı Meril Strip  ərə gedir

Hollivud aktrisası Meril Strip aktyor Martin Şortla gizli toya hazırlaşır. Bu barədə “New Idea” nəşri məlumat yayıb.
2024-cü ilin yanvarında Meril Stripin komediya ustası Martin Short ilə münasibət qurmasıilə bağlı şayiələr yayıldı. Ulduzların "Eyni Binada Cinayətlər" serialının çəkilişləri zamanı yaxınlıq etdikləri deyilirdi. Süjetə görə, onların personajları, pərəstişkarlarının inandığı kimi, ekrandan real həyata sıçrayan münasibət inkişaf etdirir.
Ulduzlara yaxın bir insayder bildirib ki, 75 yaşlı Meril Strip və 75 yaşlı Martin Şort mərasimi keçirmək üçün yer axtarmağa başlayıblar. Nəşrin mənbəsinin sözlərinə görə, məşhurlar Santa Barbaraya səyahət etməyi çox sevirlər, ona görə də toy şənliyınin orada baş tutması tamamilə mümkündür.
"Onların hər ikisi Montesito yaxınlığındakı “The Ritz-Carlton Bacara”-nın böyük pərəstişkarlarıdır. Bu, əla toy məkanıdır və kurort məxfiliyi ilə tanınır, bu, Martin və Meril üçün böyük bir artı olacaq, çünki onların hər ikisi çox özəl insanlardır", - mənbə bildirib.
Dəvət olunanların siyahısı artıq məlumdur! Toyda iştirak edəcək məşhur ulduzlar arasında Tom Henks, Şher, həmçinin "Eyni binada cinayətlər" filmində rol almış Selena Qomes və Stiv Martin də var. Martin yəqin ki, hətta şafer (şahıd) vəzifələrini də öz üzərinə götürəcək. Mütləq kifayət qədər qonaq olacaq, çünki ikisi arasında Martin və Merilin yeddi övladı və səkkiz nəvəsi var. Təbii ki, hər kəs bayrama dəvətlidir.
Bayramın tarixi dəqiqləşdirilməyib - hamısı ona görə ki, aktyorlar toyu gizli saxlamağa çalışırlar.
Ancaq toylarını planlaşdırmağa başlamazdan əvvəl Meril hələ 2017-ci ildə sakitcə ayrıldığı əri Don Qammerdən rəsmi şəkildə boşanmalıdır. Cütlük 40 ilə yaxın bir yerdə idi.
Martin üçün Merillə evlilik də ikinci olacaq. 2010-cu ildə onun 30 illik həyat yoldaşı Nensi Dolman yumurtalıq xərçəngindən vəfat edib.

Almaz Həsənli