Rusiya nümayəndə heyəti Ukrayna ilə danışıqlar aparmaq üçün İstanbula gəlib

Rusiya danışıqlar qrupu İstanbula gəlib. Rusiya-Ukrayna birbaşa danışıqlarının ikinci raundu iyunun 2-nə planlaşdırılıb. Bu barədə TASS məlumat yayıb

Agentliyin məlumatına görə, görüşün Moskva vaxtı ilə saat 13:00-da Çırağan sarayında keçirilməsi planlaşdırılır. Rusiya nümayəndə heyətinə Rusiya prezidentinin köməkçisi Vladimir Medinski, Ukrayna nümayəndə heyətinə isə müdafiə naziri Rustem Umerov başçılıq edəcək. Ukrayna prezidenti Vladimir Zelenskinin fərmanına əsasən, Ukrayna danışıqlar qrupu 12 nəfərdən 14 nəfərə qədər genişləndirilib.

Rusiya Xarici İşlər Nazirliyinin sözçüsü Mariya Zaxarova bildirib ki, Rusiya nümayəndələri atəşkəs üçün memorandum layihəsi və digər təkliflərlə gələcək.

Cənab Zelenskinin sözlərinə görə isə, ukraynalı danışıqlar qeyd-şərtsiz atəşkəsə, məhbusların azad edilməsinə və hərbi əməliyyatlar nəticəsində Rusiya ərazisinə zorla aparılmış uşaqların geri qaytarılmasına çalışacaq. Tərəflər həmçinin Rusiya və Ukrayna prezidentləri arasında mümkün görüşü müzakirə edəcəklər.

Əziz Mustafa, Oxuməni.az