“Ölkəni satın alan adam” -  “Politico” İvanişvili haqqında

“Ölkəni satın alan adam” bu başlıq altında “Politico” tərəfindən dərc olunan məqalədir. Nəşr məqalədə “Oktyabrın 26-na təyin edilmiş seçkilər ərəfəsində ölkəsini Rusiyaya tərəf əyən Gürcüstanın ən varlı adamı” adlandırılan “Gürcü Arzusu”nun fəxri sədri Bidzina İvanişviliyə həsr olunub.
“İvanişvilinin maliyyələşdirdiyi populist “Gürcü Arzusu”nun hökumətə demək olar ki, danılmaz təsiri var. Onun tənqidçilərinə görə, partiyanın qanunvericiləri və nazirləri yalnız İvanişvilinin özünə sədaqət andı içməyə borcludurlar. Gürcüstan oktyabrın 26-da keçiriləcək seçkilərə hazırlaşarkən, bir çoxlarının Rusiya ilə Qərb arasında sərt seçim kimi qiymətləndirdiyi bir vaxtda İvanişvili getdikcə Moskvanı sakitləşdirmək üçün Gürcüstanı Aİ-nin orbitindən çıxaracaq güc kimi görünür”.
“Politico” qeyd edir ki, İvanişvili sərvətini 1990-cı illərdə Rusiyada toplayıb.
“Təvazökar başlanğıcdan gənc gürcü elektronika sataraq ağlasığmaz rifaha doğru getdi və nəhayət öz bankını, baş ofisi Moskvada yerləşən “Russia Credit”i (Rossiyskiy Kredit) təsis etdi”,-nəşr yazır.
Məqalədə İvanişvilinin qardaşının oğurlanması epizodundan bəhs edilir. O zaman "Gürcü Arzusu"nun gələcək qurucusu müdafiə üçün Rusiya hökumətinə müraciət etmişdi.
Rusiya təhlükəsizlik xidmətləri üzrə aparıcı ekspert İrina Boroqan nəşrə müsahibəsində “Hökumət və ya təhlükəsizlik xidmətləri ilə əməkdaşlığa başlasanız, onlar sizi heç vaxt öz gözlərindən uzaqda tutmayacaqlar” dedi.
“Politico” İvanişvilinin son çıxışlarını xatırladır: müxalifəti qadağan etmək vədləri, Qərbin tənqidi, “ikinci cəbhə” və “qlobal müharibə partiyası”nın açılması ilə bağlı bəyanatlar.
“Gürcüstanın ən varlı adamı üçün Avropa İttifaqına və ya NATO-ya üzv olmaqdan imtina etmək geri çəkilmək olmayacaq... Ancaq firavanlıq və şəxsi azadlıq arzusunda olan adi seçicilər üçün vəziyyət fərqlidir. Həqiqətən də, ölkədə bir çoxları öz gəlirlərini İvanişvilinin himayədarlıq sisteminə borclu olsalar da, bir çoxları ABŞ və Avropadan gələn inkişaf yardımına və sərmayələrə güvənirlər”, – “Politico” yazır.
Almaz Həsənli