Putin KXDR ilə razılaşmadan Rusiya Federasiyasında yeni səfərbərlikdən qaçmaq üçün istifadə edir

Kreml Rusiyada mümkün qədər uzun müddət ərzində əlavə səfərbərlik dalğalarından qaçmaq üçün Şimali Koreya ilə bu yaxınlarda bağlanmış Hərtərəfli Strateji Tərəfdaşlıq sazişindən istifadə edir.

Bu barədə Müharibə Tədqiqat İnstitutunun (ISW) hesabatında deyilir.

İnstitut qeyd edib ki, Rusiya Federasiyasının Kursk vilayətində hərbi əməliyyat keçirməsi üçün 3 min KXDR vətəndaşından ibarət batalyon yaradılması, eləcə də bir qrup Şimali Koreya əsgərinin fərarilik etməsi ilə bağlı məlumatları təsdiq edə bilməyiblər.

Bununla belə, hesabatda xatırladılıb ki, Rusiya diktatoru Vladimir Putin oktyabrın 14-də Rusiya Dövlət Dumasına hər iki ölkənin 2024-cü ilin iyununda imzaladığı Rusiya və Şimali Koreya arasında hərtərəfli strateji tərəfdaşlıq haqqında müqavilənin mətnini ratifikasiya üçün təqdim edib.

Qeyd olunur ki, Kremlin sözçüsü Dmitri Peskov TASS-a verdiyi şərhdə Rusiya ilə Şimali Koreya arasındakı razılaşmanın “müdafiə və təhlükəsizlik sahəsində qarşılıqlı əməkdaşlıq” baxımından “birmənalı” olduğunu vurğulayıb.

Oxuməni.az