Qəzzada təxminən 1,4 milyon insan sentyabrda kifayət qədər qida ala bilməyib

Qəzza zolağının 1,4 milyona yaxın sakini sentyabrda kifayət qədər ərzaq ala bilməyib. Bu barədə BMT-nin İşğal olunmuş Fələstin Ərazilərində Humanitar Məsələlərin Əlaqələndirilməsi İdarəsi məlumat yayıb.

"Sentyabr ayında Qəzzada təxminən 1,4 milyon insan, zolağın əhalisinin təxminən 70%-i aylıq qida rasionunu ala bilməyib", - hesabatda deyilir.

Sənəddə qeyd edildiyi kimi, Qəzzaya daxil olan humanitar yardımın həcmi son aylarda ən aşağı səviyyəyə düşüb. "Humanitar tədarükün kəskin azalması kommersiya mallarının kəskin qıtlığı ilə müşayiət olunur. Qış ayları və yağışlı mövsüm yaxınlaşdıqca Qəzzada insanların əksəriyyəti yardım, adekvat sığınacaq və yanacaq çatışmazlığı ilə üzləşir", - nəşr yazır.

Ötən il oktyabrın 7-də Fələstinin HƏMAS radikal hərəkatının yaraqlılarının Qəzza zolağından İsrail ərazisinə soxulması, sərhədyanı qəsəbələrin sakinlərinin öldürülməsi və əsirlərin girov götürülməsindən sonra Yaxın Şərqdə vəziyyət kəskin şəkildə pisləşib. Buna cavab olaraq İsrail HƏMAS-ın hərbi və siyasi strukturunu məhv etmək və oğurlananların hamısını azad etmək məqsədi ilə Qəzzada hərbi əməliyyata başlayıb.

Oxuməni.az