Hindistan Trudonu Yeni Dehli və Ottava arasında münasibətlərə xələl gətirməkdə ittiham edib

Kanada Hindistan diplomatlarına qarşı irəli sürdüyü ittihamlarla bağlı heç bir sübut təqdim etməyib. Dehli-Kanada münasibətlərinə dəyən ziyana görə məsuliyyət yalnız Kanadanın Baş naziri Castin Trüdoya aiddir. Bu barədə jurnalistlərə Hindistan Xarici İşlər Nazirliyinin rəsmi nümayəndəsi Randhir Caisval bildirib.

Onun sözlərinə görə, "Kanada Hindistan və Hindistan diplomatlarına qarşı irəli sürdüyü ciddi ittihamları dəstəkləmək üçün bizə heç bir sübut təqdim etməyib".

n-Kanada münasibətlərinə vurduğu zərərə görə məsuliyyət yalnız Baş nazir Trudonun üzərinə düşür" dedi.

Bazar ertəsi Hindistan Xarici İşlər Nazirliyi bəyanat yayaraq, Kanadanın Hindistanın Ottavadakı səfiri Sanjay Kumar Vermaya qarşı Şimali Amerika ölkəsinin siqx icmasının liderlərindən birini öldürmək planında iştirak etməkdə ittihamlarını absurd adlandırıb və bunu kəskin şəkildə rədd edib. Bundan sonra Cənubi Asiya respublikasının xarici işlər nazirliyi səfir Verma və digər diplomatların təhlükəsizlikləri ilə əlaqədar Ottavadan geri çağırıldığını açıqlayıb. Bundan əlavə, Yeni Dehli altı kanadalı diplomatın Hindistandan qovulduğunu açıqlayıb. Kanada da buna altı hind diplomatını ölkədən qovmaqla cavab verib.

Oxuməni.az