Şimali Koreya Cənubi Koreyanı "düşmən dövlət" kimi tanıyıb

17 Oktyabr 08:55

Bəyəndim (0) Bəyənmədim (0)

Koreya Xalq Demokratik Respublikasının (KXDR) Milli Assambleyası Koreya Respublikasını “düşmən dövlət” kimi tanıyan Konstitusiyaya dəyişiklik edib.

Koreya Mərkəzi Xəbər Agentliyi (KCNA) qeyd edib ki, çərşənbə axşamı, oktyabrın 15-də hərbçilər Koreya Respublikası ilə avtomobil və dəmir yolu kommunikasiyalarının hissələrini partladıblar. Bu hərəkətlər qanuni olaraq təsvir edilir və KXDR Konstitusiyası ilə müəyyən edildiyi kimi düşmən dövlətə qarşı yönəlib.

Qeyd olunur ki, “ərazisinin mərhələli şəkildə Cənubdan ayrılması” çərçivəsində sərhədin şimal tərəfində keçid kimi salınmış altmış metrlik avtomobil və dəmir yolları hazırda tamamilə bağlanıb.

“Bu, KXDR-i düşmən dövlət kimi aydın şəkildə müəyyən edən KXDR Konstitusiyasının tələblərinə uyğun olaraq görülən qaçılmaz və hüquqi tədbirdir”, - deyə agentlik bildirib.

Oxuməni.az