Tramp və Putin arasında  sürətləndirilmiş templə görüş hazırlanır

ABŞ prezidenti Donald Tramp və Rusiya prezidenti Vladimir Putin arasında görüş sürətləndirilmiş templə hazırlanır. Bu barədə Oxuməni.az “CNN”-ə istinadən xəbər verir.
“Hər hansı ictimai açıqlama verilməyib, lakin şəxsi söhbətlərdə Tramp-Putin sammiti müzakirə olunur ki, bu, həmişə mümkün olub və indi onun hazırlıqları sürətlənir,”-xəbərdə deyilir.
“New York Times” mənbələrə istinadən yazır ki, Tramp bu gün Ukraynaya yardımı dayandırmaq üçün görüş keçirəcək.
Görüşdə dövlət katibi Marko Rubio və müdafiə naziri Pit Heqset iştirak edəcək. Məqsəd “Ukrayna ilə bağlı bir sıra siyasət variantlarını nəzərdən keçirmək və bəlkə də hərəkətə keçməkdir”.
Moskvada Ukrayna prezidenti Vladimir Zelenskinin prezident Tramp və komandası ilə çəkişmələri ilə Ukraynada müharibəyə son qoymaq üçün mürəkkəb danışıqların arxa plana keçəcəyi və artıq bağlı qapılar arxasında müzakirə olunan bir sıra potensial gəlirli ABŞ-Rusiya iqtisadi razılaşmalarına yol verəcəyi ilə bağlı optimizm artır.
Almaz Həsənli