Trampın Ukraynaya səfər etmək planı yoxdur

ABŞ prezidenti Donald Tramp Ukraynaya səfər etməyi planlaşdırmır, Ağ Evin mətbuat katibi Caroline Leavitt deyib. Fevralın 28-də Ağ Ev rəhbəri Vaşinqtonda Ukrayna prezidenti Vladimir Zelenski ilə görüşüb. Tərəflər arasında fikir ayrılığı yarandığından danışıqlar vaxtından əvvəl başa çatıb.

"Mən bu barədə prezidentlə danışmamışam, onun Zelenskinin təklifini görüb-görmədiyini bilmirəm, amma əminəm gki, bundan xəbəri var. Bununla belə Trampın "Ukraynaya səfər planları haqqında mütləq paylaşa biləcəyim hər hansı məlumatım yoxdur",-deyə o bəyan edib.

Bundan əvvəl cənab Zelenski Rusiya-Ukrayna münaqişəsinin sona çatması ilə bağlı “hər hansı qərar qəbul etməzdən və danışıqlar aparmazdan” əvvəl Donald Trampı ölkəyə səfərə dəvət edib. O, həmçinin Amerika liderini Kiyevin tərəfində olmağa çağırıb.

Mart ayında cənab Tramp ukraynalı həmkarını yenidən Vaşinqtona dəvət etməyə hazır olduğunu bildirmişdi. Lakin ABŞ prezidenti son açıqlamaları ilə Kiyevlə əməkdaşlığın çətin olduğunu göstərdi. "Prezident Zelenski və Co Bayden bu cəfəng müharibənin baş verməsinə imkan verən tamamilə dəhşətli iş gördülər",- deyə Donald Tramp bu həftənin əvvəlində Truth Social-da yazdı.

Əziz Mustafa, Oxuməni.az