Məhkəmə Qırğızıstanın keçmiş prezidenti Atambayevə hökm çıxarıb
Qırğızıstan paytaxtının Pervomayski rayon məhkəməsi respublikanın keçmiş prezidenti Almazbek Atambayevi bir sıra cinayətlər törətməkdə təqsirli bilib və qiyabi olaraq 11,5 il müddətinə azadlıqdan məhrum edib. Bu barədə TASS məlumat yayıb.
Atambayev Çuy vilayətinin Koy-Taş kəndində torpaq sahələrini qanunsuz mənimsəməkdə, Bişkek İstilik Elektrik Stansiyasının modernləşdirilməsi zamanı korrupsiyada və avqustun 7-8-də həmin kənddə kütləvi iğtişaşların təşkilində təqsirli bilinib. Keçmiş prezidentə də əmlakın müsadirə edilməsi barədə göstəriş verilib və bütün dövlət mükafatlarından məhrum edilib.
Aprel ayında Qırğızıstanın Pervomayski rayon məhkəməsi Atambayevi kriminal rəhbəri Əziz Batukayevi həbsdən azad etməkdə qiyabi təqsirli bilib.
2006-cı ildə Batukayev Bişkek həbsxanasının koloniyasında kütləvi iğtişaşlar təşkil etdiyinə görə 16 il müddətinə azadlıqdan məhrum edilib. 2013-cü ildə həkim komissiyasının qərarı ilə həbsdən azad edilib. Bundan dərhal sonra Batukayev Rusiyaya gedib. İstintaq müəyyən edib ki, cinayətkarın azad edilməsində keçmiş prezident də daxil olmaqla bir neçə yüksək vəzifəli məmur iştirak edib.
Əziz Mustafa, Oxuməni.az
